طه عمر محمد يكتب: الجيوب أسرار

شهر رمضان ده شهر كريـم بتكتر فيه طلبات الحـريـم طلبـات أسمعها وأنا صـايـم وأحلم بيهـا وأنـا نايـم كنافـة ومكسـرات وقطـايف والله بصـراحـة أنا خـايف طلبات وصلت حد التبذيـر أصعب عنـدى من الفوازير أما قمـر الديـن واليـاميش ده السنة اللى جاية لمن يعيش أصله لافـرض ولاعبـادة كل ما فيها أنه أصبح عـادة وأسعاره السنادى زيـادة والكـلام مفيش منـه إفـادة لأن السبب فى زيادة الأسعار اللى ربنا ينتقم منه، الدولار حاجات ما أقدرش أشـتريها ياريت المحلات تخبيهـا ده حـتى فى عـز النهـار ألاقى حاجات بالقنطـار يتفنن فى عرضها التجـار إشى فواكـه وإشى خضـار وإشى سمك وإشى كافيـار والله يا ربى العقـل احتـار ما يعرفوش أن الجيوب أسرار