تحيا مصر
باللى فيهــا واللى منهـــا
واللى داق من عزب نيلها
واللى عاش راضى بقليلها
وقال ده خيرها علينا مصر
تحيا مصر
باللى صانها واللى عانها
عمره يوم ما اتخلى عنها
واللى وقـت المحـنة قالها
بعـلـو صــوته تحيا مصر
تحيا مصر
باللى سـاند واللى شـارك
فى المحـافل والمعـــــارك
واللى أيـد واللى بــــــارك
كل خطـوة فى حـب مصر
تحيا مصر
باللى قـدَرها ف قــــدرها
واللى عاش لحظة مصيرها
واللى ع البعـد افتكــــرها
بأى كلمة خــــيـر لنصــر
تحيا مصر
تحـيا مصــر بكل ناسـهـا
من صُغيَرها لرئـيسهــــا
اللى رجــعهـا لأســاسهـا
قلب واحـــد جيش وشعب
تحيا مصـر كنيسة جامع
عطفة حارة ميدان وشارع
فى المزارع والمصانـــع
أيد بتغـــــزل أى صعــب
تحيا مصر
تحــيا مصــر عـلم نشــيـد
من سينا لآخـــر الصعـيـد
صامـدة أقوى من الحديد
واضـعـة حـــد لأى حــــد
تحــيا مصــــر بلـد أبيــة
جــامـدة قـد المسـئولـية
عمـرها ما باعـت قـضية
وخيرها مالهوش أى حـد