علشان بحبك مش نازل
وﻻ عن حبك هتنازل
حتى لو بنوا بينا مية عازل
وكل منايا أشوفك
تكونى فى أعلى المنازل
أنا مش أقل من اللى ضحى بدمه
فداكى بروحه وﻻ همه
يا رب صبر قلب أبوه وأمه
ويزيح عنها وعنك كل غمة
ولو أنتى يا حبيبتى بمحنة
لسة فى قلوبنا الرحمة
لسة ما تاهت فى وسط الزحمة
لسة موجودة فى وشوش سمحة
لسة ولدك أجدع ولد
لسة ليكى ظهر وسند
ودمه هدية ليكى لو طالبه المدد
أصل عاشقك يا أجمل بلد
ولو الدنيا اتخلت عنك
وناس زهقت وملت منك
هجروكى وبعدو عنك
لسة ما عرفوا طعم حضنك
لسة ما ذاقوا مرارة البعد عنك
ولو قدروا واستغنوا عنك
أنا عمرى ما أستغنى عنك
أنا لسة عند حسن ظنك
أصل عشت فيكى كل ذكرياتى
أجمل وأحلى سنين حياتى
عمرى اللى فات وعمرى الآتى
وحالف اتدفن فيكى يوم مماتى