شفيق السعيد يكتب: شغل عيال

حداشر حداشر أهو عدى ولا كان غير شغل عيال خسران ياللى انت بتتحدى شعب إيراداته جبال كسوفك شامة على جبينك والحسرة فى قلب مقاولينك ادور لف مسامحينك وأعلن توبتك فى الحال شهور وأيام بنبسط لك ونقول لك أهلك لهلاكك بنقرب منك نشرحلك عن وهم معشش فى خيالك شياطين وأبالسة مخاوينك من أهلك ناسك واخدينك بفلوس على منصب غاوينك وخيال بيولد بيولد فى خيال ويا دوب كان شغل عيال بلدك ليه ترضى تهينها ولحم كتافك من خيرها وتكون فى إيدين ناس كارهينها عقبة تعطل يوم سيرها ياما الشعب المصرى ما شاف واللى معاه ربنا ما بخاف موشى ديان يحكى وعساف بارليف اللى قالولنا محال ولا كان غير شغل عيال صًفنا كامل هتزينه وبلادك تفرح برجوعك الماضى نقول مش فاكرينه ونقطع صفحة موضوعك دول ناسك دول أهلك قرب لا تشرق تانى ولا تغرب الخير موجود بس نجرب الإيد فى الإيد نبنى آمال لا إرهاب ولا شغل عيال