لو عندك صديق مخلص
حطه جوه عينيك
وإن قدرت
أقفل عليه
برموش عينيك
قد ايه الصديق غال
واوعا فى مرة
تزعله أو تخرج منك..
كلمة كدة ولا كدة
دا كنزك الثمين
لو كنت فى ضيقة
فى إمكانك
ترجع اليه
دا اقرب طبيب نفسى
إليك
لو احتجت اليه
لو طلبته بسرعة تلاقيه
قاعد جمبك
وبيمد لك ايديه
اصل الدنيا ما تخلاشى
م المشاكل
خصوصا اليومين دول
أديله من حبك ولا
ف يوم تبخل عليه
ما يتقدر بكنوز الدنيا
دى أغلى نصيحة
منى إليك
لو لقيته فى اى مكان
تبقى انسان محظوظ
دا الدنيا غريبة
شىء ملحوظ