وائل عبد الودود حسين يكتب: بقت عجين

أنا شايف حاجة بقالى فترة ما شفتها فى بلاد بره عربيات من غير نمر فى طرق عادية وسفر ومركب إزاز فاميه روش ومهم سعادة البيه ولما يلاقى الكمين يا يرجع لورا هربان يمين يا يشوح بأيده ولا همه مسنود من أبوه ولا عمه ويقولك ما تعرفش أنا ابن مين مع أننا من نفس الطين ومسيرنا للتراب راجعين يا عم أنت بس عمال تلوك لوك أنت ما شفتش التوك توك عمال يسابق فى الشوارع يتخانق ويتصارع والميكروباص اللى واقف فى نص الطريق بيركب ناس عم الجرىء واللى بيكسر شمال ويمين من غير إشارة يا نهار طين خلاص السواقة بقت عجين بلطجة وعافية أحلف يمين واللى يعدى والإشارة حمرا منورة ووقت طويل الشوارع مكسرة والطريق بقى بزراميط بكره نطلع نمشى على الحيط لا فيه احترام ولا أصول والكلام يكتر فيه ويطول