عشان خاطرى
قلبى بلاش تظلميه
عاوز أفكرك
انك اول واحدة كنتى ساكنة فيه
وأعترفلك بحبه من سنتين
وقالك كل حاجة حلوة بيه
بس يا خسارة
انتى بحبك كنتى رافضة تعترفى ليه
ليه دلوقتى جايه وبتلوميه
وبتقولى انو قلب خاين
وزى ما باعك هتبيعيه
وعشان حب غيرك
خلاص عايزة تقتليه
عاوز اقولك بس كلمتين
لما كنت فاتح ليكى حضنى
ليه كنتى بترفضيه
لما كنت وياكى ببنى حلمى
ليه كنتى مصرة تهديه
مع ان قلبى
قلب طيب وأى كلمة حلوة بتراضيه
عاوز بس يفرح
زى الحمام ف الهوا يسرح
ولما يعلا فوق
تندهيله بكلمة بحبك
فى ثوانى بين ايديكى هتلاقيه
بس ياريت لما يرجع
بلاش من تانى تسجنيه
وعلى كفك
اشرحى له معنى الحب وعلميه
خليه مهما يبعد
يفتكر انه له حبيب لسه بيشتاق اليه..