مبروك علينا يا سينا والليلة فرحتنا
حررها عربى أصيل ساكن فى حتتنا
رفرف عليها العلم والفرحة عمّتنا
دمّر غرور الجبان اللى سرق بيتنا
******
صممّ ولاد البلد ليحررّوا ديارك
متشوّقين للتراب دا ابنك وأحبابك
حالفين يمين يحرسوا فلُّك وأزهارك
ويفكّوا أسرك يا حلوة م الجبان جارك
******
دا أنا كنت نادر فى يوم نصرك لاغنّى وأقول
وأدندن اسمك على عودى و ع الأرغول
واجيب لك م السما نجمة واجيب لك نول
واحقق ليكـى أحلامك وأبنيكى بإيدينى دول