سالم المراغى يكتب: مصر مش طابونة

مصر مش طابونة جملة قالها الرئيس بلاش تستنزفونا واشتغلوا فى المفيد ريسنا الله يصونه معدنه معدن نفيس ولا يمكن تغلبونا بالتسريب والتدليس حلوا عن مخ أبونا وما تدعوش للتيئيس إييييييييه ولا تدعوش للتيئيس ************ السيسى واحد مننا راجل عزمه حديد سافر أسوان وقنا وراح جنوب الصعيد بيعمر هنا وهنا وكل يوم جديد حنساعده أكيد كلنا نتشابك إيد بإيد والله يكلل جهدنا والخير أكيد حيزيد إييييييه والخير أكيد حيزيد ************ بشرنا الله يبشره ينصره على من يعاديه بنحبه وبنقدره وبأرواحنا حنفديه إنتاجنا وحنصدره ترجع قيمة الجنيه يستاهل إنه نبخره كل العيون بتبص عليه ويارب اخزى اللى بيكرهه السيسى ربنا يحميه إيييييييه السيسى ربنا يحميه ************ فدادين الفلاحين حيرجعها لهم ويطارد المفسدين مهما كان حجمهم ويساعد الكادحين وعدهم قال لهم يحميك والله يعين وتنوع شغلهم الإخوان المفسدين حنحرق دمهم إييييييييه حنحرق دمهم *********** بطل جد بصحيح والناس كلها حبته لا تهزه أى ريح وبيضرب ضربته وشفنا صعيدى فصيح فى شجاعته ووقفته كلمه كلام صريح وأفكاره ورؤيته من غير ما يقول مديح وشرح لنا فكرته إييييييه وشرح لنا فكرته *********** اسمه الحاج حمام راجل ميه ميه بعد ما ألقى السلام والواجب والتحية بالبيانات والأرقام كان عنده بجد قضية والريس قال له تمام يا عم المفهومية إييييييه ياعم المفهومية ************ حيرجع المنهوب وخدوه من الأراضى ويسد فى الثقوب م اللحظة وم الساعة دى ولا هيقولك مكتوب ولا يرضى بلون رمادى راح ينصف المغلوب فى جميع أركان بلادى دايماً عزيز محبوب منصور على الأعادى إييييييه منصور على الأعادى