عمرو حسين يكتب: أشواق على ضوء القمر

الدنيا حايرة بين أرض وسما وكهوف وأشواك إنما فيها وروود وأشجار متبسمة راسمة لوديانها أحضان عاشق يرسم حاجة وعكسها ما هى لوحة وكأنها بستان وسيمفونية من الأحزان حلوة وجارحة فى فنها تايهة مابين كونها هى مكان ولا هى سفر بين الزمان كدب اللى قال الحياة ألوان واللى غنى لها وفرحان خدعنا بشوية ألحان وهى عايشة بين بس لونين أبيض للمبسوطين والعاشقين وأسود على اللى متفارقين واللى طلعوا منها مهزومين دى سرقت من القلوب الحنين وبيمشوا على الوتر الحزين هى الدنيا أم لونين قلبت يومها بقى ليلين عادتها تنكد الغاليين ومقسمة النصيب نصيبين والصورة أبيض وأسود والطريق أقرب وأبعد والإنسان اتعس وأسعد خدتى أنك تكسرى الغلبان ماهتكسرنيش أصل انا قررت اعيش حتى لو عملتى ما سمعتيش هايم مشاعرى حاضنة السهر انا عشقى الكتابة الخلابة اللى بتمحى الكآبة وبتفضح غدر القدر وبتمد السما ضى القمر