محمد عبد الله طاهر يكتب: اصحى يا نايم

اصحى يا نايم وحد الدايم قبل الدنيا بيك ما تفوت وفى آخر حياتك يعجز لسانك عن نطق الشهادة فى وقت الموت عيش يا ابن آدم، دايماً وفاكر، لحظة سؤالك يوم الحساب تقل كتابك قبل ما تمشى وتنزل بطولك تحت التراب داحنا فى رحلة ومهما طالت، الجنة أحلى تخسرها ليه ده كل حاجة فيها أحلى، فيها كل اللى نفسك فيه قصور وبحور وجناين وملايكه وحور بيحوموا حواليك اصحى وفوق وروح يا نايم، قبل الرحلة ما تعديك صحى الروح بسرعة وروح ده رب الكون مستنيك فى أى وقت ومن غير ميعاد تروح له فيه يغفر ليك قوله يا رب من ذنبى باتوب، سمعه صوتك فرحه بيك من عبد لرب إيه المطلوب ،غير إنه بس يتباهى بيك ده فى يوم ما تطلع الروح فوق ليه، إيه يسوا ساعتها الكون فى عينيك سلم قلبك وروحك ليه، يفرَح قلبك ويرضى عليك اصحى وفوق الله يخليك، املا كتابك بالحسنات رب الكون يتباهى بيك ويعليك فى الدرجات .