توفيق ميخائيل يكتب: جرعة سعادة

محتاجين جرعة سعادة والغم والهم اللى حوالينا يغور قول لى ايه يسعدك؟ أقول لك انت مين؟ السعادة أمل ورضا ومحبة والأهم تكون شكور شوف مين حبايبك مين شلتك؟ حتلاقى الصادق المحب واللى بيلف ويدور من جاور السعيد يسعد ومن جاور الحداد أوعى تقول معذور فيه ناس سعادتها فى سعادة الناس وياويله اللى همه اطفاء شموع السرور على فكرة مافيش كيان اسمه الظلام لكن فى الحقيقة أن الظلام هو غياب النور ظلام العالم كله لا يهزم ضوء شمعة جرب تسامح وتنسى الأسيه ربك رحيم وغفور قبل ما تنام كل ليله راجع نفسك مين فى يومك اديته جرعة سعادة؟ ومين نكدت عليه من الجمهور ؟