صباح الخير يا مصر
يا أحلى بلد فى نظرى
فى تاريخ الأمم كبوات
والكبوة اللى ماتكسرش تقوى
لفيت بلاد كتير شرق وغرب
وقريت فى التاريخ واتكلم وأنا أدرى
خلينا فى آخر كبوة الله لا يعيدها
ربك كبير ومين غيره كان يقدر بينا يعدى
يمسك الدفة ويحول الكسرة نصرة
ويرفع رايتك فوق رايات الأمم تضوى
يا مصر نيلك سعيد بيسرى يصبح
من أسوان لرشيد وراس البر بحرى
وهرمك صامد فخور
وسد عالى بيحكى إرادة شعب قبل التحدى
يارب ياللى بديت الرحلة معانا
واثقين فيك انك حتكمل مع الشعب المصرى