عبد العزيز المنسوب يكتب: الأمّ

الأمّ نِعْمَة ومعانى وروحى ويّا وجدانى أعانى تْخَفّف أحْزانى وَأَفْـرح تِبْقى بستانى ووقت الأمّ تلقانى تلاقى البسمة حاضنانى وصوت الأم ألحانى رضاها جنة وتهانى **** أمك فى درب الأسى شالت كتير وكتير وعشان تنول مَرْيَسَهْ سهرت عليك يا كبير تدعى تقول هندسة دكتور يا رب وزير تَعَبْهَا فيك اتْـنَسَى يوم زفّـتك يا أمير إوعى فى يوم يرتفع صوتك وتبقى حقير ******* دا حتى كلمة أُفّ ممنوعة فى التنزيل لو حتى طلبت ألف بسرعة شدّ الحيل بوس القدم والكفّ خليك حنون ونبيل وف يوم تحسّ بضعفْ خلّيك حريص وذليل دا يوم تموت الأم ماتت معانى كتير الدنيا ملهاش طعم واتْغَيَّرِتْ تصاوير