قال سامح أبو عرايس، مؤسس حركة «أبناء مبارك» والمنسق السابق لحملة «عمر سليمان» رئيسًا، رغم السحر اللي معمول في ملعب برج العرب واللي بيعمله الماسونيين لصالح النادي الأهلي لكن نادي المصري نجح في التعادل.
وفسر أبو عرايس، أسباب تعادل الأهلى والمصرى، فى اللقاء الذى جمع الفريقين على ملعب برج العرب وانتهى منذ قليل، بتعادل الفريقين 2/2، فى اللقاء المؤجل من الجولة السابعة للدورى العام، وتقدم أحمد ياسر للمصرى فى الدقيقة العاشرة ثم تعادل مؤمن زكريا للأهلى فى الدقيقة 26، وبعدها تقدم محمد مجدى للمصرى للمرة الثانية من ضربة جزاء فى الدقيقة 58، قبل أن يتعادل إيفونا للمرة الثانية فى الدقيقة 79.
وأكد، أبو عرايس،: "أن المصري شعاره "حورس"، وصورة إلاله حورس بتبطل السحر لأنها بيخاف منها إلاله ست إله الشر اللي هو الشيطان اللي بيقدسه الماسونيين وبيسموه "لوسيفر" .. علشان كده فشل السحر في التأثير على نتيجة مباراة النهاردة".
أضاف: "طبعا أحنا عارفين أن الماسونيين بيعملوا سحر لصالح النادي الأهلي اللي بيرمز للماسونية لأنه أسسه الماسوني أدريس راغب وبيسموه الشياطين الحمر رمز للشيطان وبترعاه شركة فودافون الماسونية اللي شعارها الشهاب الساقط اللي بيرمز للشيطان وبتعمل إعلان المارد الأحمر اللي بيقدس الشيطان والتراس الأهلي اسمه "ريد ديفيلز" يعني الشياطين الحمر، ولأن السحرة الماسونيين عاملين سحر في ملعب برج العرب يصر الأهلي دائما على اللعب فيه، لكن المرة دي فشل السحر في تحقيق هدفه لأن النادي المصري رمزه صورة إلاله حورس وده بيرعب إلاله ست غله الشر اللي هو الشيطان وبيبعده عن المكان وبالتالي لا ينجح السحر، علشان كده أي فريق عايز يلعب مع الأهلي بدون تأثير للسحر لازم يكون معاه صورة للإله حورس لأنها تبطل السحر !!".
