الواحد نفسه حاجة لتغيير الأفكار لدى أغلب الناس بالنسبة للحياه البرية.. الناس معندهاش الوعى الكافى بالنسبة للزواحف، خاصة الثعابين فى الأرياف أو المناطق الزراعية مفيش ثعابين سامة نهائيا خلاف "الكوبرا المصرية" فقط، دى بس اللى سامة وفى نحو 26 نوعا غير سامين دا بالنسبة للزواحف، أما بالنسبة للجوارح فى بعض الأخطاء لدى بعض الناس "البوم" أى حد تقوله بومة يقولك لا يا جدع دى بتجيب الفقر وبتمص النظر "عادات وتقاليد"، طبعا الكلام دا غير صحيح نهائى البوم فى دول الغرب يطلق عليها قطة البيت لأنها من أمتع الطيور اللى تتربى فى المنازل لأنها هادئة ومحبوب تربيتها، أما بالنسبة للصقور محدش يعرف أى نوع خلاف الشاهين، كل ما تكلم حد يقولك أنا عايز صقر شاهين.. ياعم فى كذا نوع منهم عقبان وبازات وبواشق وكل نوع ينقسم لطفرات معينة والصقور تنقسم لـ3 الشاهين والحر والوكرى، يقولك لا الشاهين بيطلع الماس من البحر هذا الكلام غير صحيح، الشاهين محبوب لدى دول الخليج لأنه تراث عندهم لذلك ينفقون الأموال الطائلة فى شرائه زى الآثار عندنا فى مصر، والفترة اللى فاتت ظهر بوست على النت إن الصقر أول ما يتمسك بيدفنوه فى الرمل علشان عزة نفسه وميمتش، طبعا دا كلام خاطئ لأن العادة دى كانت تستخدم زمان لقتل الحشرات اللى على جسم الطير.