قال الإعلامى وائل الإبراشى، إن حكاية جول مجدى عبد الغنى تحول لنكتة سخيفة ومملة، ورد عبد الغنى :"ما احنا خلصنا من الجون بقى".
وتابع الإبراشى:" أصبح طموحنا كله إن احنا جبنا جول عشان نمحو جول مجدى عبد الغنى هل دا معقول؟.. دى نكتة لا تتناسب مع آلام الناس وأحزانها".
من جانبه نفى الكابتن مجدى عبد الغنى عضو مجلس إدارة اتحاد الكرة، خلال مداخلة هاتفية لبرنامج "العاشرة مساء"، على فضائية "دريم"، مع الإعلامى وائل الإبراشى، ذهابه لنادى الأهرام :" أنا فى اتحاد الكورة، والكلام المكتوب دا مالوش أساس من الصحة".
وعلق الإبراشى على عصبية مجدى عبد الغنى: "لامورى فى زورى بقى وما تزعلش"، مردفاً:"هو مستر كوبر عارف انك واخد فلوس فى دى كمان"، ورد "عبد الغنى": "معنديش خلفية"، وقاطعه الإبراشى:"أكيد خد فلوس كابتن كوبر على استخدام شخصيته".
وفى سؤال محرج قال الإبراشى: "ما بتصحاش الصبح يا كابتن مجدى وتقول أبادر انا من نفسى وأقول طالما فيه مقدمات تخبط إدارى كده، أقدم استقالتى أنا حتى لو الاتحاد مقدمهاش"، رد قائلاً:"هفكر إن شاء الله".