قال الفنان أحمد فلوكس، إنه تعرض للعديد من السباب خلال الأيام الماضية، مشيراً إلى أن حسابات الأشخاص الذين يهاجمونه "مزيفة"، من الإخوان وبعض الشباب المضحوك عليهم.
وأوضح فلوكس، خلال لقائه بفضائية "extra news"، :"انتو بتدوا صورة لبرة مصر مش حقيقية، هنرجع تانى للى كنا فيه من 8 سنين، بعد ما السياحة بدأت تقوم، والمشاريع بدأت تخلص، اه فيه غلاء، مش هنا بس، فى كل الدول، عشان فيه مشاكل اقتصادية وحروب، بس اللى هم بيعملوه".
واستطرد: "أنا راجل ومتربى كويس وبعرف أرد كويس، لكن البلد دى متروحش، لما كنت فى سنك مكنتش بلعن الظروف، عندى كومنتات كتير بيقولوا ليه دا مش بياخد حقه، بس بقول الحمد لله، ويجوا فى الآخر يقولوا انتو معاكو فلوس، هو أصلا فيه فن، ولا دراما نشتغلها".
وتابع فى رسالة للمقاول محمد على: "مش أنت بتتكلم عن الغلابة هات الملايين وزعها على الشعب طالما أنت عامل فيها دكر، أنت مش كان عندك مقاولات عملتلهم ايه؟، الثورة اللى أنت بتطالب بيها، بعد ما نعملها وننزل الميدان، هنقعد نغنى، هتنزل سعر الدولار، ولا هتشغلهم".
وأردف: "هو كل اللى يجى يتكلم يا إما يبقى مطبلاتى أو منافق يا إما اتقله يقول حاجة أو ممسوك عليه حاجة؟ محدش قالى قول حاجة"، مستطرداً:"طلعت عملت الفيديو، الراجل دا نزل ووقف قدام الإخوان عشان كانوا غلط، مش زيك بتتكلم من مبره ومعاك فلوس، الراجل دا شال كفنه على ايده، ووقف قال للناس أقفوا وقالوله احنا معاك، عشان يخلصنا من الهم ده، كان دكر، حمى البلد مهربش، يبقى أنت يا محمد على دكر؟ لا أنت مش راجل".