قالت المطربة كارمن سليمان: أول مرة غنيت فيها خليجى كانت فى برنامج آراب آيدول وكنت فى سنة تانية ثانوى، ودى كانت أول مرة اسمع فيها أغانى خليجى أصلاً وكمان مامتى كانت قاموس وكانت بتسمعنى أغانى الأستاذ محمد عبده والأستاذ طلال مداح.
وتابعت كارمن سليمان، خلال حوارها فى برنامج “on set”الذى تقدمة الإعلامية شيرين سليمان: الأغانى الخليجى عجبتنى جدا واستفدت منها جدا، وغنيت منها أغانى كتير فى البرنامج وبعدها لقيت عندى جمهور كبير من الخليج وخاصة من السعودية.
وواصلت سليمان: أنا عموما بحب أغنى بلهجات كتير فلقيت الجمهور معجب بالأغانى الخليجية اللى قدمتها وغنيتها وطبعا بحب أن الجمهور الخليجى يكون مبسوط فبحاول أتقن اللهجة الخليجى وأنا بقدمها.