"الوهم الاردوغانى" أغنية جديدة لإسلام خليل إهداء لروح شعبان عبد الرحيم..فيديو

طرح الشاعر إسلام خليل، أغنية جديدة تحمل اسم "الوهم الاردوغانى"، والتى يهديها إلى روح الفنان الراحل شعبان عبد الرحيم، وتفضح الأغنية اطماع أردوغان فى ليبيا، وتقول كلمات الأغنية التى أدائها بنفسه: "حلمك العثمانى.. يا اردوغان فشنك.. وأن كنت مش مصدق.. هبعت لجانبك اللينك.. على نفسك أنت الجاني.. دى مش لعبة بلاى ستشن.. لف وارجع تانى وغير اللوكيشن.. حلم الخلافة يا طايش جابلك خلاص جنون.. روحت لتنظيم داعش هربته من السجون.. خد بالك مصر وليبيا شعب مش شعبين.. والسراج مش هيفيدك لو خدت قملين.. اتفاقك مع السراج.. ده تحطه فى الشراب.. مفيش اتفاق بيتم بين دولة والإرهاب.. محدش هيسبك كده هايج زى الجراد.. تضرب فى الشعب السورى وتقتل الأكراد.. هتاخد فين يعوجك ومش هينفعك أى علاجك.. ساعتها مش هينفع تميم ولا السراج.. يا ادروغان يا لص باين خرفت.. حفتر مش هيسبلك لا الأرض والنفط.. عامل قمة وهمية مع قاعدة الخراب.. دى قمة إسلامية ولا دى قمة إرهاب.. فى مصر والسعودية كعبة وأزهر ومقام.. لا انت ولا تميم الفاشل بتمثلوا الإسلام.. هقولك علانية علشان تبطل كح.. الامارة العثمانية خلاص بح.. يارب احفظ لبنان بلد وشعب عظيم.. من شر اردوغان واسرائيل وتميم.. يا شياطين العصر.. يا منبع التخاريف.. اللى هيعلب مع مصر هيلاقى رد عنيف.. الأمن القومى خط أحمر سلم وحرب.. واللى يقرب من ليبيا والنبى يا يموت الأرض.. تحيا مصر". وكان الشاعر إسلام خليل، قد أكد لـ "انفراد"، أنه سيقوم بعمل عمرة لصديق حياته المطرب الشعبى الراحل شعبان عبد الرحيم، حيث يتواجد الآن فى الأراضى السعودية، وانفرد "انفراد" بأول قصيدة رثاء كتبها الشاعر إسلام خليل، لصديق ورفيق عمره المطرب الشعبى الراحل شعبان عبد الرحيم، الذى توفى فى مستشفى المعادى. وقال إسلام خليل فى القصيدة: "بس خلاص.. بس خلاص بجد.. وخلاص خلص الموضوع.. شعبان حبيبى مات.. وانا قلبى كله دموع.. مات أبويا واخويا وصاحبى.. وصوتى بكل المفاهيم.. مات عشرة عمرى وسندى شعبان عبد الرحيم.. شعبان القلب الطيب.. ولا شوفتش زيه أحن.. شعبان الغالى عليا.. وعشرة مشوار الفن.. مع السلامة يا صاحبى.. مع السلامة يا اخويا.. حبتنى زى ولادك وكنت فعلا ابويا.. الناس فاكرة الحكاية مطرب ومؤلف بس.. مش عارفين إنها عشرة وفى قلب بحبك حس.. الله يرحمك يا حبيبى.. مين تانى هرن عليه.. مين تانى معايا هييهزر ويغنى ويقولى إيه.. هتعيش في قلبى يا غالى صورة حلوة في كل مكان.. شعبولا اللى انا حبيته واللى مربينى كمان.. شعبولا اللى انا حبيته واللى مربينى كمان".


الاكثر مشاهده

كيف يمكن مواجهة خطابات الكراهية المنتشرة عبر مواقع السوشيال ميديا؟

مسؤول أمريكى: تفشى كورونا لن يغير التزامات الصين بشراء سلع أمريكية

ولى عهد البحرين يبحث مع رئيس البرلمان الباكستانى العلاقات الثنائية

جامعة الأقصر توزع بانرات نصائح للتوعية والوقاية ضد فيروس "كورونا"

وزير الأوقاف ومحافظ بورسعيد يفتتحان مسجد" العلى القدير " بالقابوطى

اعترافات لصوص النزهة: سائق سيارة شركة الأغذية اتفق معنا على سرقتها

;