قالت الفنانة نهال عنبر، إن مشكلات المذاكرة، يعاقب الأهل عليها الأبناء بطرق مختلفة، مشيرة إلى أنه فى مدينة شنغهاى بالصين كان هناك عقاب صادم وغريب، حيث قرر أب أن يعاقب ابنه بأن يتسول فى محطة القطار، وذلك ليعرف أنه لو لم يذاكر سيتسول الطعام من الناس.
من جانبها علقت الفنانة ندى رحمى، خلال برنامج "كلام ستات" المذاع على فضائية "ON E"، قائلة: "فكرة حلوة جدا، مش علشان بس لو مذاكرش، ولكن عشان إنه لازم يعرف إن والده بيتعب".
وفى نفس السياق رفضت الفنانة هيدى كرم، الفكرة قائلة: "أنا مش مع الفكرة إنى أعمل مشاكل مع أولادى عشان المذاكرة، من خبرتى إن دا مش صح خالص، المهم موترش علاقتى بابنى، لما أنزل ابنى يشحت فى محطة مترو عشان ياكل، هيتعمله تجربة صعبة، أكيد دا مش صح تربويا ونفسياً، المفروض نخليه يعمل حاجة لها معنى، مش أنزله عشان أذله".