كريم عبد العزيز: أنا أهلاوى وبحب الأكل

قال الفنان كريم عبد العزيز، خلال لقائه ببرنامج صاحبة السعادة مع الفنانة إسعاد يونس: أنا أهلاوى من قلبى وبحترم الزمالك جدًا، أنا مجنون وعصبى لكن نادى الزمالك كبير جدا وليه جمهور محترم جدا، كنا بنتجمع بالليل مع السقا ورامز جلال وهنيدى ونلعب كورة قبل وبعد السحور وكان معانا إيهاب توفيق، ورامز جلال بيفرقع صواريخ وإحنا بنلعب كورة. وأضاف: يوم ما فتحت القناة الثالثة فى مصر البيوت كانت مفتحة وعاشق لاسترجاع تاريخ السينما والبرامج القديمة اخترنا لك وعالم السينما وعالم البحار والدكتور مصطفى محمود، إحنا اتشكلنا على الحاجات دى. وتابع: بتفرج على حلقات الأكل.. أنا خجول جدا ومجامل وبحب الناس تحترمنى وبحترم الناس وبحب الأكل جدا لو ما كنتش ممثل كان زمانى 600 كيلو على الكنبة، هنا بحب أكل الشارع وباكل فسيخ ورنجة وأى حاجة، وبخس من عند ربنا، ما كنتش رياضى ورحت الجم من يومين المدرب تخن، والمدرب قاللى كله حذرنى منك". وقال لزوجته أنا عمرى ما قولتلها الكلام ده ربنا يخليهالى هى عملتلى كل حاجة فى حياتى ربنا يقدرنى وأردلها ربع اللى بتقدمه ليا، أنا أمى عايشة معايا فى البيت وربنا رزقنى بزوجة محترمة من بيت محترم وبنت ناس وأصيلة، قبلت أن تعيش مع أمى لأنى ما أعرفش أعيش بعيدًا عن أمى.



الاكثر مشاهده

علماء العالم الإسلامي يُرشحون مركز الحماية الفكرية لإعداد موسوعة عن "المؤتلف الفكري الإسلامي"

رابطة العالم الإسلامى تنظم غداً مؤتمر "بناء الجسور بين المذاهب الإسلامية" فى مكة

د.العيسى يلتقي رئيس جمعيات الصليب الأحمر والهلال الأحمر على متن سفينة "أوشن فايكينغ"

10 أسئلة وإجابات حول تعديلات قانون تملك الأجانب للأراضى الصحراوية.. برلماني

الشيخ العيسى: يمكن للقيادات الدينية أن تكون مؤثرة وفاعلة فى قضيةٍ ذات جذورٍ دينية

رابطة العالم الإسلامي تُدشِّن برنامج مكافحة العمى في باكستان

;