قال الفنان رشوان توفيق،: "الفنان الراحل علاء ولى الدين كان عزيزا على قلبى، وبعتبره من أبنائى وكنت أعرف والده أيضا".
وأضافالفنان رشوان توفيقخلال مداخلة مع الإعلامى عمرو خليل، والإعلامية ريهام ابراهيم ببرنامج "من مصر"، الذي يذاع على قناة cbc،: "قابلت سمير ولى الدين في السيدة نفيسة ولفينا على آل البيت، وكنت كل ما أشوفه أفرح قبل ما يشتهر، وكنت بقوله هتعمل حاجة يا علاء".
وتابع "توفيق:"الراحل اتصل بى فى الساعة 2.30 بالليل قبل ما يموت، وقالى أنا كنت عند سيدىأبو الحسن الشاذليوبعدين ركبت الأتوبيس وغفلت علشان أوصل المطار وشفت رؤيا كنت حضرتك معايا فيها، فى نفس الحضرة اللى كنت فيها معانا، مضيفا:" فى ناس كثيرة أنا لا أعرفها كانت بتشوفنى في رؤاها وعلاء ولى الدين قالى شوفتك في الباص"، مشيدا بدوره فى فيلم الناظر.
وكان النجم محمد هنيدى قد تحدث عن النجم الكوميدى الراحل علاء ولى الدين فى ذكرى رحيله، وقال: "أنا مش حاسس انه غايب .. ذكراه معايا على طول ومع الناس، مش حاسس إنه غايب ومش حابب أتكلم فالحدث أليم وأنا فقدت أخ حبيب، لكن هو موجود وبفتكره طول الوقت، والناس فاكراه طول الوقت.. والله يرحمه ويحسن إليه".