قال الفنان رياض الخولى عن مسلسل ريا وسكينة من أحلى الأدوار اللى عملتها في حياتى جمال عبد الحميد كان رائعا وهذا المسلسل نجح بالحب ولا ننسى دور الفنانة عبلة كامل.
وأضاف خلال لقائه مع الفنانة إسعاد يونس ببرنامج صاحبة السعادة الذى يذاع على قناة دى إم سى: المسلسل كان جميل جدا والطفلة اللى كانت تقوم بدور ابنة ريا والدها عنده سلسلة مطاعم كان على طول يجيبلنا أكل وكلنا تخنا فى المسلسل ده، وفى مسلسل حدائق الشيطان صفاء عامر كان عنده قناعة غير عادية بى وعملت معه الفرار من الحب.
وتابع: أنا مش كوميديان وعملت مسرحية اسمها الناس اللى في التالت مع فاروق الفيشاوى وسميحة أيوب وكنت بضحك فيها أنا مش بضحك بس الموقف هو اللى بيضحك وما كملتهاش علشان في خلاف بينى وبين أسامة أنور عكاشة وفى وجهة نظر مع محمد صبحى والكوميديا تنبع عند صبحى من كتابة لينين الرملى وهما توأم إبداع، وفى اتهامات لصبحى إن ما فيش حد بيقول حاجة جنبه لكنه اتهام باطل ، ومدرسة صبحى مختلفة عن مدارس كثية مثلا مدرسة سمير غانم.