قال الفنان رياض الخولى عن دوره فى فيلم طيور الظلام لم أكن سعيدا بهذا الفيلم فى البداية، لأن الدور باللغة العربية فى السينما واللحية ومع عادل إمام قولت دى هتبقى بداية ونهاية، ورحت قولت لوالدتى وهى قالتلى دى هتبقى فاتحة خير ونزلت من عندها وأنا قرب مدينة الإنتاج حسيت بقوة إلهية روحت البيت قريت السيناريو السبت وقالولى هتصور الأحد.
وأضاف خلال لقائه مع الفنانة إسعاد يونس ببرنامج صاحبة السعادة الذى يذاع على قناة دى إم سى: كنت كاشش من عادل إمام لكنه استطاع إزالة الرهبة واستقبلنى استقبالا رائعا وبعد 4 أيام من التصوير وفى أول مشهد قلبى كان فيه 7 آلاف دقة فى الدقيقة، لكن عادل إمام جعلنى أتجاوز الأمر، وكانت تجربة رائعة.
وتابع: أنا مش كوميديان وعملت مسرحية اسمها الناس اللى في التالت مع فاروق الفيشاوى وسميحة أيوب وكنت بضحك فيها أنا مش بضحك بس الموقف هو اللى بيضحك وما كملتهاش علشان في خلاف بينى وبين أسامة أنور عكاشة وفى وجهة نظر مع محمد صبحى والكوميديا تنبع عند صبحى من كتابة لينين الرملى وهما توأم إبداع، وفى اتهامات لصبحى إن ما فيش حد بيقول حاجة جنبه لكنه اتهام باطل ، ومدرسة صبحى مختلفة عن مدارس كثية مثلا مدرسة سمير غانم.