قال المطرب رامى صبرى إن محمد حماقى حذره من أغنية الراجل وقالى إزاى هتغنى الأغنية دى وغريبة عليك مش شكلك.
وأضاف خلال لقائه مع الإعلامية ناردين فرج على القناة الأولى المصرية ببرنامج التاسعة: أنا شايف إن المهرجانات جاية بشكل جيد واحنا لم نبقى اهتمام الشارع، وقعدت مع الناس اللى بشتغل معاها وقولتلهم لازم نغير وأغنية الراجل على شكل المهرجان بشكل أشيك ومزيكا أفضل أحنا بس محتاجين نتعب شوية علشان نعمل حاجة جديدة، والمهرجان بيسخنك وأنا ضد منعهم هما شباب بيجتهد، واحنا بلد الفن وصعب قوى اننا نوصل لمرحلة الفن اللى بقينا عليه دلوقتى لكن ممكن نفلتر الموضوع ونظبطه.
وتابع: أنا لما بشتغل على أغنية جديدة بيبقى عندى طاقة إنها تنجح وتكسر الدنيا أول ما بتنزل بسيبها على ربنا وأغنية حياتى مش تمام دى أول أغنية تنجح بسرعة، أنا بدأت أهتم كثيرا برغبات الجمهور وقررت أعمل حاجات الجمهور بحبها ويتابعها وده خلى الأغنية تنتشر على التيك توك وحاجات زى كده.
وأكمل: لما عملت أغنية الراجل كانت أكثر الناس اللى بتطلبها منى في الأفراح الستات وخصوصا العروسة وكلمتنى جرائد من أمريكا على الأغنية دى وقالولى إزاى انت بتهاجم المرأة وطبعا أنا مش قصدى أهاجم المرأة.