قال مصحح اللهجة الصعيدية حسن القناوى، إن الفنانة عبلة كامل فنانة الشعب كانت أول مرة تنطق باللهجة الصعيدية في مسلسل أفراح إبليس، واتقابلنا لأول مرة في اللوكيشن لظروف خاصة.
View this post on Instagram
شوفوا ايه اللي عمله مصحح اللهجة الصعيدية "حسن القناوي" مع الفنانة عبلة كامل في مسلسل "أفراح إبليس" #إحلم #ON
A post shared by ON (@ontv) on
Mar 5, 2020 at 11:58am PST
وأضاف: عبلة كامل هي صاحبة مدرسة التلقائية في الأداء يعنى اللى بييجى على لسانها بتقوله لكن مش هينفع في المسلسل ده بالذات لأن اللى هييجى على لسانها مش صعيدى، وكانت هتبقى مشكلة وتصادمت معى وكانت بتشوفنى حاجة تضايق، وفكرة مصحح اللهجة زى عمى صفاء ما كان بيقول إحنا مش جايين ندى دروس للناس نعلمهم اللهجة الصعيدى إحنا جايين ننقل محتوى ونحاكى الواقع ولو الضرورة استلزمت إننا نسيب 5% مش لازم نجيب 100%.
وعملت استوب مع الحاجة عبلة كامل هنم عليه طول عمرى أغرب استوب فى التاريخ ولدها ميت فى المسلسل فى الجزء الأول وكالكاميرا معاها وماسكة صورة ابنها وهى بتقول ولدى وبدل ما تقول ولدى قالت ابنى، والمخرج قالى حرام عليك يا أخى اتقى الله فينا يا أخى يعنى ما عزش عليك الأحاسيس والدمعة حرام عليك بوظت المشهد، ولابد أن يكون مصحح اللهجة ترس يمشى الدنيا مش يعطلها.