علق الفنان بيومى فؤاد على سؤال الإعلامية شيريهان أبو الحسن، خلال مداخلة عبر برنامجها "راجل و2 ستات" برفقة الفنانة هيدى كرم، والفنان سامح حسين، على فضائية "ON"، هل الراجل يقبل يقعد فى البيت ويربى الأولاد لو مراته بتقبض أكثر منه؟.. قائلا : " زى ما ربنا خلق الليل للنوم والنهار للشغل.. ربنا خلق الراجل للشغل والست فى البيت لتربية أولدها.. والراجل مينفعش يقعد فى البيت يربى الأولاد هيطلعوا صيع" .
وتابع بيومى فؤاد: "الرجالة فى تربية الأطفال بنوافق على كل حاجة بتطلبها الأولاد عشان الرجالة بتشتغل ومفيش وقت يقعدوا مع الأولاد بنوافقلهم على كل اللى بيطلبوه.. ولكن الست هى اللى بتحكم وتربى فى البيت.. والبيت من غير ست لايصلح.. لو البست عاوزة تشتغل فى شغل كتير مينفعش الست تشتغله" .
وأضاف بيومى، أن زوجته سيدة منزل ولم اطلب منها العمل مع أنها خريجة فنون جميلة، مضيفا : "بعد الشر الراجل يعد فى البيت.. وكان الله فى العون للسيدات فى تربية الأطفال.. مراتى قالتلى أن سنة السعد ليا فى عام 2013 وهى تنبأت من عام 2008.. وممنوع منعا باتا من دخول المطبخ بسبب أنى دخلت عملت شاى من زمان والسكر وقع ولم نمل واتمنعت نهائى".