علق المهندس كامل الوزير، وزير النقل، على مداخلة من سكان منطقة الزمالك لتضررها من حفر مترو الأنفاق وتصدع العقار الذى تسكن به، قائلا: "ممكن حضرتك أكلم السيدة اللى كانت معاكي من شوية أسالها أخدت مبلغ زي باقي السكان ولا لا".
وأضاف الوزير، خلال مداخلة هاتفية لبرنامج القاهرة الآن، تقديم الإعلامية لميس الحديدي: "تم صرف مبلغ لكل السكان كي يقيموا في أي مكان، وده بدل سكن للفترة التى سيقيمون بها خارج العقار"، لتدخل السيدة مها الطرابيشي أثناء المداخلة قائلة: "أنا ساكنة في العمارة اللى جنب سفارة البحرين ولاصقة في عمارة الشربتلي، ونزلونا من العمارة بسبب تصدع العمارة اللى إحنا فيها".
ليرد الفريق كامل الوزير:"أكيد مش ساكنة في عمارة الشربتلي شوفتي يا مدام لميس أنا كلامي صح ولا لا، ولو عايزة تقابلني دلوقتي تيجي عشان تعرفوا أنها مش ساكنة في العقار الذى تضرر، والـ86 ساكنا تم إخلاؤهم بالكامل وصرف مبلغ 30 ألف جنيه لكل ساكن، والمبلغ مش تعويض ده قانونى".
وكانتشهدت منطقة الزمالك ميلا بالعقار رقم 17 شارع البرازيل بالزمالك، حيث تم إخلاء العقار بالكامل من السكان حرصًا على سلامتهم.