حل الطفل "مهند" صاحب مقترح تدريس مادة احترام الآخر بالمدارس، ضيفا على على برنامج "هذا الصباح" الذى تقدمه الإعلامية أسماء مصطفى على قناة إكسترا نيوز.
وأشاد مهند خلال اللقاء بسرعة استجابة الرئيس عبد الفتاح السيسى لتطبيق المادة وطبع الكتب الخاصة بها فى مدة أقل من 9 أشهر، قائلا: "كان إحساس رائع أول ما سمعت رد الرئيس عليا حسيت بأحاسيس مختلطة من فرح لغبطة لسعادة.. طبعا كان فى توتر وخوف فى الأول بس قدرت اتغلب عليه، وكمان أن فخامة الرئيس يرد عليه بنفسه ويقولى يا مهند هنفذلك اللى أنت عايزه دى لوحدها بالدنيا كلها بالنسبة لي.. بشكره جدا لأن الطلب اللى طلبته ده يهم كل الأطفال والكبار".
وبمناسبة الاحتفال باليوم العالمى للتسامح، أعرب مهند عن أمنيته فى أن تصل الفيديوهات التى يقدمها على مواقع التواصل الاجتماعى إلى كل أنحاء العالم، ليفهم الجميع أهمية التسامح والقيم الطيبة، قائلا: "بفكر أن الفيديوهات اللى بعملها على الصفحة توصل لجميع أنحاء العالم، عشان يبقا رأى مصرى وصل للعالم"، لتقاطعه المذيعة بعد انبهارها بفكره ولباقته فى الحديث، قائلة: "أنا هروّح عارف كده! هروّح واسيبك بجد مش عارفه ارد عليك.. الناس هتنبسط أوى إنها تسمعك بس.. كلم أنت الناس وأنا هسكت".
تابع مهند حديثه بأنه يتمنى أن يسود التسامح والحب والرحمة والقيم الحقيقية فى المجتمع والعالم بأسره، مضيفا: "لازم تحب غيرك ونفسك عشان تعرف تسامح.. فى قول مأثور بيقول (إن أحسن الثأر العفو).. اعفو عنه لأن هو هيتضايق مش هيلاقى فيك الخصال اللى بيتكلم عنها فهيسكت".