تستقبل البرامج التليفزيونية الحوارية، المعروفة إعلاميًا ببرامج الـ"توك شو"، فى فترة المساء، يوميًا، العديد من التصريحات ذات الأهمية، حيث تتضمن أهم القضايا التى تشغل بال المواطنين والرأي العام، محليًا ودوليًا، من عدة مسئولين، ومواطنين عاديين، لمناقشتها، وطرح مقترحات لحلها، والعمل عليها.
"طول ما هى فى بيت أبوها تدلع" محمد هنيدى: الولد عندى بيخدم البنت
قال الفنان محمد هنيدى إنه كان مدللا كثيرا فى فترة الطفولة لأنه كان أصغر أخواته، وكانوا 4 بنات، وكنت مجرد لعبة بين أيديهم، والآن باعمل العكس وبجعل أبنائى الأولاد يخدمون البنات، مستطردا: البنت طول ما هى فى بيت أبوها تدلع.
وأضاف خلال مداخلة مع برنامج ماما دوت أم، أنا لا أستطيع السيطرة على نفسى عندما أغضب وأولادى بيقولولى "شكلك بيبقى بيضحك قوى وأنت متعصب، وأنا مش بعرف أسيطر وببقى نفسى أكمل جد، وأنا صغير كنا مسافرين مع والدى فى ليبيا وخرجنا فى سوق كبير وكان عندى 4 سنين وقالى ما تلعبش فى حاجة وركنا العربية جنب حفرة وأنا فكيت الفتيس ووقعنا فى الحفرة وكان معايا بيبى صغير، وأخدت قلم قعد 3 أيام خدى وارم.
وتابع: دور الست مسئولية كبيرة، وتواجد الراجل مهم بنصائحه ووجوده، ولازم يكون موجود ويشترك، كورونا عملت حاجة كويسة وهى اللمة، وأظهرت مهاراتنا فى الطبخ، وخليتنا نزهق من أكل بعضنا، وفى الحقيقة احنا اللى بنتربى مع العيال لأننا ما اتربيناش على التكنولوجيا.