كشف اللواء محمد نور الدين مساعد وزير الداخلية الأسبق، والذى كان مسئولا عن قضية عمر خورشيد، تفاصيل جديدة حول مصرع الموسيقار الراحل، قائلا: "كنا ساهرانين فى قضية قتل فى قسم الهرم.. وسمعنا صوت شديد جدا لقينا حادثة فى الجزيرة الوسطى بعد خرستو.. وبسرعة فتحنا العربية لقينا عمر خورشيد الفنان الجميل غارق فى دمه وبعدين كان جانبه وحدة ومن الخبطة والدم مش عارفينها وعرفنا أنه عمر من الأوراق اللى معاه".
وأضاف خلال مداخلة هاتفية مع الإعلامى عمرو أديب عبر برنامجه الحكاية المذاع على قناة أم بى سى مصر، : "جات عربية إسعاف من مستشفى أم المصريين اخدت المصابين اللى معاه ولكن الإسعاف قالت مش هنشيل متوفى".
وتابع : "الفنان كان ماشى بسرعة وعربية تانى بطارده بسرعة.. وبعد كام يوم جه شاب اللى كان بيسابق معاه هو يزود السرعة والفنان يزود السرعة، ومشين على الطريق السريع ومعرف شان الفنان عمل حادثة.. وطالب سعودى بيدرس فى جامعة القاهرة جه اعترف ولم يكن عليه أى شبه جنائية.. وتم عرضة على النيابة.. والرئيس السادات كان بيتابع بنفسه قضية الفنان.. والحادثة كانت حادث مروري".