كشف برنامج راجل و2 ستات المذاع على قناة on تقديم الإعلامية شريهان أبو الحسن والفنانة هيدى كرم والفنان أحمد صلاح حسنى، عن دراسة ألمانية عن كلمة بحبك، وقالت الإعلامية شريهان أبو الحسن: "الدراسة الألمانية كشفت عن أن الزوجة اللى بتحب زوجها بتقول لزوجها كلمة بحبك مرتين فى اليوم فى حين أن الزوج لقول لها بحبك مرة واحدة كل أسبوع.. كلمة بحبك تمنح أى شخص الثقة فى النفس والعلاقة لسه سليمة.. كلمة بحبك تعنى أن العلاقة تسير فى المسار الصحيح.. والراجل مسؤول عن أفعاله.. والمشاعر الطبية معدية فى الكلام الحلو".
وعلق الفنان أحمد صلاح حسنى : " مفيش حد زى التانى فى العلاقات.. وفيه رجالة بتقول بحبك كل يوم والست مش حاسة بالكلام ده.. وكل راجل وسيدة لما يجتمعوا عمرهم ما هيبقى ليهم كتاب واحد يعرفوا كل حاجة عنهم.. والسيدات مش بتطمن بالكلام بس بتطمن من الأفعال.. وهناك كلام كثير غير كلمة بحبك، وهناك بدائل ومنها "وحشتينى، وشعرك جميل النهاردة، وأجل ست فى الكون.. ومشكلة السيدة أنها فى مود معين عاوزة تسمعها فى وقتها".
وعلقت الفنانة هيدى كرم: "هناك عوامل كثيرة تطمئن السيدة منها الكلام الحلو والأفعال والاستقرار فى الحياة الزوجية، وكلمة بحبك تحسس السيدة بالأمان.. ومش لازم تقول بحبك عمال على بطال".