نجوى فؤاد حلت ضيفة على برنامج "الستات ما يعرفوش يكدبوا"، الذى يذاع على قناة cbc، أمس الأربعاء، وتحدثت عن عدد مرات زواجها ومن ضمنهم مرة عرفياً، ما جعل الفنانةنجوى فؤاد تتصدر تريند جوجل اليوم الخميس، حيث قالت فى البرنامج: "واحد عرفى و5 عادى، ولم أتزوج 10 مرات، فين الوقت ياريت كان فيه وقت كانوا يبقوا 20، وكنت أتمنى أن يستمر زواجى بأحمد فؤاد حسن الذى كان بمثابة زوجى وحبيبى وأبويا وهو اللى عملنى بعد ربنا".
وتابعت نجوى فؤاد "أقرب زوج إلى قلبى كان آخر واحد، والغلط مكنش منه بس أنا كمان كان على جزء من الغلط، لأنى كنت نجمة وقتها، واضطريت إلى الرقص فى فرحه على صحبتى".
وأضافت نجوى فؤاد "اتحطيت فى أمر واقع، وقلت لازم أفصل وكان فاضل في عقدي 15 يوما، بصيت لقيت الصالة فاضية، ولما سألت إدارة الفندق، قالوا وزارة الخارجية حاجزة المكان هنا للعشاء، روحت البس ولما رجعت لقيت الصالة مليانة بكل صحابي اللى اعرفهم، وهو وهي وكتبوا الكتاب، أحلى ما رقصت في حياتي حتى الفرقة والبنات، ربنا اداني دفعة رهيبة زي الحمامة المذبوحة".
وقالت نجوى فؤاد "بعد كدة تعبت ورقدت، كنت موجوعة علشان كنا سعداء فى حياتنا، بخلاف الفترة الأخيرة فى حياتى، الخاين خاين والغدار غدار، مفيش امرأة خانت غير بعد ما تتجرح، الراجل بيخون من غير مبررات".