الفنانة يسرا: بنافس نفسى طول الوقت ونفسى اعمل دور كوميدى

علقت الفنانة يسرا، عن دورها فى مسلسل حرب أهلية، الذى سيعرض فى شهر رمضان، قائلة :" بقدم تحية لباسم خياط وسعيدة جدا للعمل معه وممثل مهم جدا وأروى جودة من أحلى الفنانات اللى اتعملت معاها وعلى المستوى الفنى هايلة.. وجميلة عوض فاجأتني لأنها بتعمل دور صعب نفسيا". وأضافت خلال لقائها عبر سكايب، عبر برنامج من مصر المذاع على قناة سى بى سى : "حرب أهلية بيتكلم عن الحرب بين الأهل وازاى يمكن يحصل خلافات بين العائلات، وجميعها متداخلة فى بعض وكلة يعمل اختيار خطأ، وتكتشف دة أكبر خطأ فى حياته ويعمل معاها مشكلة.. ومش هحكى عشان نشوف أيه اللى هيحصل فى المسلسل هيتم عرضه بكرة.. وبنكتشف كل يوم حاجة جديدة بتحصل ما بينا.. ولما تبقى مسالمة وتكتشفى انك انتى بتعملى حاجة غلط فى نفسك". وتابعت: " يسرا مش بتنافس غير فى يسرا وطول الوقت بنافس نفسى، ولو قدمت حاجة السنة اللى جاية هنافس نفسى إن كان ليا عمر.. ياريت نفسى أمثل فى مسلسل كوميدى. وعن موكب المومياوات، قال الفنان يسرا: "شرف كبير انى قدمت فى حدث تاريخى عن حضارة مصر وفرحتى فوق الوصف والخيال.. ولما خلصت الكلمة قعد لحد ما فخامة الرئيس يمشى، ويهمنى إن كل حاجة تبقى صح ومفيش حد اشتغل من قلبه.. والناس اشتغلت من 6 شهور ومكنتش مستوعبة ضخامة الحكاية بالشكل ده. وواستكملت: احنا على الهواء قدام العالم.. والعالم كله مصدقش إن العمل بأيدى مصرية.. ووجود الرئيس كمل قوة الحدث.. وكنا أكثر من 10 آلاف بنى آدم.. وكنت بعمل بروفات فى الكلمتين دول أكثر من مرة عشان مفيش حاجة تسقط منى.. وفخورة انى مصرية وفرحانة بتاريخها وحضارتها، واللى احنا عملناه دا أهم شيئ حصل فى التاريخ.. وفخورة من كمية الكلام الحلو من الجمهور.. وقعدت على السوشيال ميديا عشان أشوف التعليقات الجميلة دى.. الأوسكار الحقيقى يروح لحدث موكب المومياوات وحدث تاريخى وحضارى قوى".



الاكثر مشاهده

رابطة العالم الإسلامى تنظم غداً مؤتمر "بناء الجسور بين المذاهب الإسلامية" فى مكة

د.العيسى يلتقي رئيس جمعيات الصليب الأحمر والهلال الأحمر على متن سفينة "أوشن فايكينغ"

10 أسئلة وإجابات حول تعديلات قانون تملك الأجانب للأراضى الصحراوية.. برلماني

الشيخ العيسى: يمكن للقيادات الدينية أن تكون مؤثرة وفاعلة فى قضيةٍ ذات جذورٍ دينية

رابطة العالم الإسلامي تُدشِّن برنامج مكافحة العمى في باكستان

جامعة القاهرة تنظم محاضرة تذكارية للشيخ العيسى حول "مستجدات الفكر بين الشرق والغرب"

;