كشفت النجمة أنوشكا تفاصيل مشاركتها في مسلسل "نجيب زاهى زركش" للنجم يحيى الفخرانى، موضحة أن أى فنان يفضل العمل مع الفخرانى، وكانت سعيدة أكثر لمشاركتها لثانى مرة معه، مردفة: "هتلاقوا مفاجآت، وفيه رسالة حلوة وضحك وأحاسيس ولغز".
وأوضحت أنوشكا خلال مداخلة هاتفية ببرنامج "مساء DMC"، على فضائية "إكسترا نيوز"، مع الإعلامى رامى رضوان: "بختار أحسن ما ألاقى نفسى فيه، مش كل حاجة بإيدى ولكن ربنا بيساعدنى وببقى محظوظة، وأحاول بقدر المستطاع أشارك في عمل يقول رسالة معينة بشكل لطيف، وما أقدمه أبقى مختلفة فيه".
وتابعت: "بحاول أجدد من نفسى، والمسلسل اجتماعى وله رسالة جميلة جدا، كل حلقة هتطلع مش هنعرف تفاصيل الفكرة، عن نفسى متفرجتش على العمل، ومحبتش أتفرج إلا مع المشاهدين، وبتفرج زيي زيهم، وخلصت تصوير من 5 أيام، وكان هناك بعض المشاهد خلصتها من يومين، واستمتعت جدا بالشغل ومحسيناش بتعب، وهبقى مختلفة لأن الكتابة ومختلفة".