علق الفنان محمد محمود، عن دور طريف فى مسلسل نجيب زاهى زركش، قائلا: "كل حاجة كانت منضبطة.. ومفيش حد بيضيف من عنده خالص.. وكل همنا نشتغل على الورق ونعمل بروفات قبل التصوير.. ومشهد واحد بنعمله فيه يوم كامل واحنا سعداء.. وبنعمل حاجة صح على كل المستويات.. الشخصية مركبة ومش عادية وليها أبعاد".
وأضاف خلال حواره مع الإعلامى يوسف الحسينى، عبر برنامجه التاسعة المذاع على القناة الأولى المصرية: "طريف كان عنده حقد طبقى ونفسه يكون ملكه القصر.. والشخصية كان فيها كل المواصفات طيبة وشريرة.. وخدام فى القصر عاوز يبقى ملكه وكمان يبقى زوجته أخت نجيب.. والشخصية ماتعرف شرير ولا طيب وصعوبتها لها أبعاد مختلفة ومش سهل إنها تتعمل، وقعدنا شهر نعمل بروفات منفصلة مع المخرج قبل التصوير".
وتابع: " ليا 35 سنة بعمل مسرح واخد كل حياتى.. وخدمنى فى شخصية طريف وبيدى ثقة ومصداقية للفنان ومهم جدا للفنان.. اشتغلت مع الدكتور يحيى فى مسرحية من فترة كبيرة جدا.. وأول مرة أبقى فى مسلسل كبير مع الدكتور.. نفسى أعمل تجارب مسرحية لأن المسرح ده فى دمى.. وبحبه جدا بحس بنفس الجمهور وبضحكهم وعياطهم.. ولا حاجة تغنينى عن المسرح".
مسلسل "نجيب زاهى زركش" للنجم الكبير يحيى الفخرانى، يعرض على شاشة dmc فى الساعة 9:00 مساء، ويعاد فى الساعة 5:00 صباحاً والساعة 1:00 صباحاً. مسلسل نجيب زاهى زركش، بطولة يحيى الفخرانى، وأنوشكا، وشيرين، ورنا رئيس، ونهى عابدين، وكريم عفيفى، وإسلام إبراهيم، ومحمد محمود، ومحمد يسرى، وتميم عبده، ومحمد الصاوى، وفتوح أحمد، وعدد آخر من الفنانين الشباب، والعمل تأليف عبد الرحيم كمال وإخراج شادى الفخرانى وإنتاج سينرجى.