علقت سوزان عبدالحميد والدة الشهيد إسلام مشهور، على حلقة مسلسل الاختيار 2 ملحمة الواحات، قائلة: "فخر وعزة وابنى استشهد راجل وعاش راجل ومات بطل عارف إزاى يحمى بلده، وابنى كان عاوز يكمل وطلب الشهادة.. أمنيته وربنا حققها له، وقال لى أنا نفسى أموت شهيد وكتب على صفحته".
وأضافت خلال مداخلة هاتفية مع الإعلامية لميس الحديدى، عبر برنامجها كلمة أخيرة المذاع على قناة إكسترا نيوز: "مش بيخافوا وكان راجل وكلهم رجالة وقد المسئولية وحبهم لوطنهم حاجة كبيرة عندهم.. وأنا ووالده كنا بنفرج على الحلقة، وحسيت إن الحادثة دلوقتى وكأنها حقيقة، ولما شوفت ابنى قدامى أنهرت، وفى نفس الوقت رفعت رأسى ابنى عاش راجل ومات بطل".
وتابعت وهى فى حالة بكاء: "اللى مأثر فينا الفراق وفخروين بشجاعته وتربيته.. وكان نفسه يعمل حاجة لبلده وحاجة مشرفة لينا ورفع راسنا كلنا.. ووالده تأثر لما شاف الحلقة، وبشكر القائمين على مسلسل الاختيار2، برزوا اللى حصل والموقف كأنه حقيقى، وشوفت الموقف تخيلت أنه ابنى أول مرة أشوفه استشهد قدامى، وعارفه أنه بطل ونطق الشهادة، وإحساسى لما شوفت الموقف وجع قلبى وفخورة به قوى وأكتر من الأول".
مسلسل "الاختيار 2" يعرض على قناة ON الساعة 10 مساء ويعاد الساعة 2 صباحاً والساعة 3.30 عصراً، ويعرض على قناة ON دراما الساعة 10.15 مساء ويعاد الساعة 4 صباحاً والساعة 11.30 صباحاً والساعة 4.45 مساء.
مسلسل "الاختيار 2" تأليف هانى سرحان، وإخراج بيتر ميمى، وإنتاج شركة سينرجى وبطولة كريم عبد العزيز، أحمد مكى، إياد نصار، بشرى، إنجى المقدم، أسماء أبو اليزيد، هادي الجيار، أحمد حلاوة، أحمد شاكر عبداللطيف، محمد علاء، إسلام جمال، أحمد سعيد عبدالغنى، سلوى عثمان على الطيب طارق صبرى، عمر الشناوى، وعدد من الفنانين الشباب.