علق الدكتور حازم ياسين أستاذ طب وجراحة العيون بقصر العينى عن الفطر الأسود: "موضوع الفطر الأسود أوفر قوى، وكل السوشيال ميديا نقلت من بعضها وأصبح الموضوع غير علمى، وأدى إلى أن المصريين يجيلهم هلع، والكلام ده مش مظبوط والكلام ده بيجى للى عنده سكر عالى جدا وخارج حدود السيطرة، ومصاحب بأعراض كتيرة جدا وفقدان الإبصار وضعف المناعة، وهم من يصابوا به".
وأضاف، خلال مداخلة هاتفية مع الإعلامى عمرو أديب عبر برنامجه الحكاية المذاع على قناة أم بى سى مصر: "من يأخذ الكورتيزون بكمية كبيرة وفى فترة علاج كورونا بيبقى تحت إشراف الأطباء، والفطر متواجد فى الترب الخصبة والمبللة وبيئة رطبة، وممكن يغزو الجيوب الأنفية لما يكتشف فى الأول علاجه بسيط، وفى بعض الناس عندها مشاكل فى الكلى بتاخد نوع أخر".
وتابع: "الفطر الأسود يأتى بسبب أن كل أجهزة جسده بها مشاكل جمة من الأمراض هو من يصاب بهذا، والتدهور فى الأيام الأخيرة قبل الوفاة يصاب بهذا الفطر، ولازم يكون المناعة فى الضياع عشان يصاب به، ويبتدى من الجيوب الأنفية وبعد كده فى العين، والفطر الأسود غير معدى".
وأوضح: "التطعيم فى منتهى الأهمية والكمامة والتباعد الاجتماعى هما سفينة النجاة، وحتى لو جالك كورونا بعد التطعيم هتجيلك كورونا خفيفة زى البرد العادى مش شديدة، وبتوسل إليكم خدوا التطعيم، الموجه الثالثة من كورونا شديدة القصوى".