قالت ناهد حسن، ابنة السيدة عوضة مسعد القطبى الشهيرة بـ"أم محمد"، التى تعمل فى إحدى مدارس مدينة بورسعيد منذ 55 عاما دون أن تحصل على أية إجازات، إنها تحث والدتها على الحصول على إجازة للارتياح قليلا من الشغل، متابعه: "الصيف اللى فات تعبت شوية، فقلتلها يا ماما اقعدى كفاية بقى، قالت لأ.. لو أنا قعدت هموت.. والكلمة دى أثرت فينا جدا رغم إننا كنا مصممين إننا نقعدها فى البيت".
أضافت ناهد حسن، فى لقائها مع الإعلامى يوسف الحسينى، ببرنامج "التاسعة" الذى يذاع عبر القناة الأولى بالتليفزيون المصري: "لما أمى قالت لنا الكلمة دى اتأثرنا.. ولو جرالها حاجة إحنا هنزعل بعد كده.. قلنا لها خلاص يا ماما لما تحسى إنك عايزه تقعدى خلاص بقى اقعدى براحتك"، فعقبت والدتها التى تحل ضيفة فى نفس الحلقة: "لما أموت بقى.. أنا ما أقدرش أقعد".
وتابعت: "أمى تعمل اللى يريحها عايزة تقعد تقعد أو تروح تروح.. براحتها"، فعلقت والدتها قائلة: "أنا مش هسيب المدرسة ما دام فيه صحة".