قال الإعلامية راوية راشد، إن الصحفي لديه الملكة منذ الصغر على القراءة والكتابة، وتلك المهنة هي مهنة انتقائية، وتجعل الإنسان دائما حذر، مشيرة إلى أن تجربتها الأولى في مجلة وزرا اليوسف، كانت وسط عمالقة الصحافة في مصر، ومن الصعب أن يدخل الشخص تلك المهنة وهو ضعيف، وأن يثقل الشخص نفسه ليكون صحفي جيد.
وأضاف خلال لقاءها مع الإعلامية إنجي القاضي ببرنامج "مساء dmc" الذي يذاع على قناة "dmc": "ياما اترمت تحقيقات صحفية لينا في الزبالة، لحد ما توصلي لقناعة مع نفسك ومع المسؤولين مع الصفحة أو المجلة ويظهر اسمك".
وقالت: "التريند ظهر مع ظهور السوشيال ميديا، والزمن اختلف، الشباب دلوقتي مش بيتفرجوا على التلفزيون، والتلفزيون قليل الناس اللي بتتفرج عليه، وهيعاني نفس معاناة الصحافة الورقية، بسبب مواقع السوشيال ميديا، والتريند غالبا بيظهر لما يكون في عنوان مثير ومؤثر، وتبدأ تدور وراه وتتعمق".
وتساءلت: "إزاي هنرفع الوعي عند شعب كان بيسمع من 50 سنة (أراك عصي الدمع) وأنت بتقدمله طول الوقت برامج رياضة ومنوعات، هتقدمله إزاي مادة ثقافية، يعني برامج التوك شو ساعتين، هاخد منهم 10 دقايق وأعمل فقرة عن أهم الكتب هذا العام، وأنا عملت رسالة معرض الكتاب، اللي بتغطي الفعاليات في 9 أو 10 دقايق".