قالت هنا، ابنة الفنانة شيرين عبد الوهاب، إنها ترى والدتها قوية للغاية وطيبة، ووأوضحت: إذا قمت بعمل شيء لم يعجبها، تتحدث معنا بهدوء، وبعدها تقوم بنصحي وتعطيني الفرصة، وآخر مرحلة "بتزعل مننا".
وأضافت خلال لقائها مع الإعلامية إسعاد يونس، ببرنامج "صاحبة السعادة" الذي يذاع على قناة "dmc": "ماما بتحب النظافة، ولو دخلتي في أوضتي مش هتعرفي فين الأرض، أنا عندي فوضى منظمة في أوضتي، وعلى طول بتفرج على نتفلكس وتيك توك".
وقالت: "في واحدة صحبتي لما بقولها تيجي بيتي، بتسألني مامتك هتبقى هناك؟ باقي صحابي عارفين أن ماما شيرين عبد الوهاب، لكن مش بيسمعوها، وأكتر حاجة بحبها في ماما، هو جمالها الطبيعي وليست مزيفة، وجميلة من الداخل والخارج وقوية وواثقة في نفسها".
وتابعت: "بلاقي ماما قاعدة في الأوضة اللي جنبنا مشغلة مزيكا عالية وبتغني، هي بتغني في حالها مع نفسها، وأنا بسمعها أحيانا مش بسمعها دايما وبحب أسمع أغنية (خلي اللي يغيروا مننا)".