قال الدكتور وائل محمد نجيب مدير التعليم الثانوى بـ"غربالمنصورة" ورئيس اللجنة الاجتماعية والرحلات النقابية إن برنامج الرحلة الترفيهية التى حدث فيه الرقص كان يشمل برنامج متنوع يضم زيارة الهرم ومول والحسين، وفى الجولة النيلية بتاع الدى جى شغل أغانى، وقعدنا نسقف وفيه ناس قامت رقصت.
وأضاف فى مداخلة هاتفية خلال برنامج " كلمة أخيرة " الذى تقدمه الإعلامية لميس الحديدى على شاشة ON أن الرحلة كانت من شهر متسائلاً: مش عارف إيه اللى حصل وخلاها تظهر دلوقتى، وبنتى دكتورة ومراتى كانوا معايا؟ لتعلق الحديدى قائلة : والله ده موضوع كوميدى.
وأوضح أن المعلمة اللى رقصت كانت متطوعة قائلاً: " بتشتغل بدون أجر من 3 سنين، ومحدش استأذن يصورنا، ونشر الفيديو مقصود من أعداء النجاح وطلبت يتحقق معايا فى الرقابة الإدارية"
وأعرب عن حزنه بسبب تشويه صورتهم قائلاً: "الناس شوهوا سمعتنا.. وزوج المعلمة زعلان جدا وكان هينفصل عنها وهى عندها أطفال وقدمت تنازل عن الوظيفة."