قالت الفنانة بشرى، إنها شخص مُطلع، تحب القراءة والاطلاع والثقافة، وخاصة قراءة المقالات والاكتشافات العلمية، بالإضافة إلى تواجدها بشكل مستمر على تطبيق "تيك توك".
وأضافت خلال لقائها مع الإعلامي رامي رضوان ببرنامج "مساء dmc" الذي يذاع على قناة "dmc": "حبيت تيك توك أوي مع إني دخلته متأخر، وابني اللي أجبرني إني أدخله، وتحس إنه مدير أعمال على تيك توك، هو اللي متابع، وكانت هديتي في رأس السنة إني أدخل تيك توك".
علقت على طلبها لتصليح دورة مياه منزلها في عيد الحب، وقالت: "طلبت لنفسي هدية غريبة في الشبكة، وطلبت لنفسي هدية غريبة في عيد الحب، أصل المطر لما نزل، السيراميك طق، وأنا هقعد أجيب دباديب والبيت محتاج صيانة، أنا طلبت إن دي تبقى هديتي، مش عاوزة هدية معملش بيها حاجة".
وتابعت: "مجبتش لجوزي هدية في عيد الحب علشان أنا هديته، احنا لو ينفع نغلق راحة البال في علبة، أو نغلف القناعة في سولفان ونعملها هدية ونقدمها لنفسنا ونقدمها للآخر".
وأضافت: "بحب السينما جدا وبعشقها، بس مبتتكتبش للستات أدوار مناسبة طول الوقت وفيها مساحة تقدر تأدي فيها، دائما الست بتكون سنيدة بجوار الرجل، وكمان كتابة الأدوار لأعمار مختلفة، أنا عملت دور الأم، لخالد أنور ومجموعة شباب، أنا مبخافش من الدور ده، أنا عملت دور أم قبل ما أتزوج وأخلف، والمتاح مش كتير للستات، وخصوصا في السينما".
وأضافت: "زرت العاصمة الإدارية لأول مرة، حقيقي مصر بتبدأ عصر جديدة ورايحين لحتة حلوة أوي، وبنبي حضارة حديثة بكل تفاصيلها، وأنا اتبسطت وحسيت إن أنا فخورة".