ناقش برنامج راجل و2 ستات المذاع على قناة on تقديم الإعلامية شريهان أبو الحسن والفنانة هيدى كريم والفنان أحمد صلاح حسنى، متى الرجل بيتخنق من الاهتمام الزيادة.
وقالت الإعلامية شريهان أبو الحسن : "الستات هما صحاب المشكلة طوال الوقت، وطول الست معاندة مع زوجها او خطيها انه مش بيهتم، وهل ممكن يكون الرجل بيهتم بس بلغة او باشارة مش مناسبة للسيدات، ومش عارفة لية الست بقيت تشتكى طول الوقت، ولما تيجى تكلميه بيستغرب من الكلام".
وأضافت : "الراجل يكون الاهتمام كبسولة، يعنى يقعد مع الست نصف ساعة تشبعه، ولكن الست عاوزة يوم يقعد معاها الراجل، وتقولك بعدها مش مهتم بيه.. والستات ديما عندهم شكوى بان الرجال طول الوقت بيمسكوا التليفون ومش معانا".
قالت الفنانة هيدى كريم : "الاهتمام الزيادة ممكن ينفر الطرفين، وهناك اهتمام زيادة يجعل الطرف الأخر يصل إلى مرحلة الخناق، ومش قادر وعاوز مساحة زيادة لنفسه".
وعلق الفنان أحمد صلاح حسنى :" زيادة فى الأسئلة والزعل والقمص وفى الحب بيجعلوا الطرف الأخر يتخنق من الاهتمام الزيادة، وفيه فرق ما بين الخنقة والقلق، والزواج لو مسافر ممكن تكلم زوجها 10 مرات ده طبيعى ولكن فى العادى اتصال كتير فى دهب يبقى خنقة".
وأضاف :" الراجل الاهتمام بالمعيشة والطلبات عند الوصول لمرحلة توفير كل طلباتهم يفتكر الرجل ان هذا هو الاهتمام، وعند الست ايموشن وده اهم بكتير".