قالت الإذاعية إيناس جوهر: كنا بنقعد فى استراحة المذيعين مع عمالقة الكلمة، تعالى شوفى قعدة المذيعين إزاى دلوقتى وإزاى بيتراشقوا والتليفونات مفتوحة، وبيتكلموا بسرعة كبيرة جدا حتى اللى عاوز يتعلم جملة ما يلحقش ويقولك الشباب بيتكلموا كده طيب علموهم يتكلموا بالراحة واتعلمنا من العمالقة زى إبراهيم شوشة وحازم طه وناس كثيرة تمسكوا بلغتهم السليمة.
وأضافت خلال لقائها ببرنامج افتح باب قلبك مع الإعلامية أميرة بهى الدين على قناة سى بى سى: فى برامج فى التراث الإذاعى شباب اليومين دول محتاجين يسمعوها، كان ليا الشرف إنى أقرأ بيان الانتصار بعد مرار الهزيمة وإحساسى كان مختلفا ومن بدايات تدريبى فى الإذاعة كنت بسافر للجنود وأشاركهم التدريبات وأسجل معاهم والعظمة التى انتابتنى ساعة العبور مش قادرة أحكى عن عظمة اللحظة وده بيدينى جرعة فخر مالهاش حل وأنا قريت البيان رقم 5 كنت فخورة وسعيدة وإحساس الانتماء ده جميل جدا، وتعلمت كيف أصبح مذيعة على يد عظماء الراديو
وتابعت: انا متفائلة جدا وكل الفن بيرضى جميع الأذواق طالما أن الحاجة بتطلع وبتنجح وأنا اتعلمت من عظماء الإذاعة حاجات كثيرة أهما الاحترام والالتزام.