قال الشاعر الغنائي الشهير أيمن بهجت قمر، إنه بعد حصوله على البكالوريوس شعر أنه يهديها لوالدي، مضيفا: "كنت في حوار مع سيد حجاب، قاللى أنت لو كتبت مش هتخلص تعليمك، ولكن أنا خلصت أهو صحيح بعد 33 سنة من الحوار".
وأضاف خلال لقائه مع الإعلامية منى الشاذلى ببرنامج معكم المذاع على قناة سى بى سى: "كل سنة أنا بدفع المصاريف عادى، ومحافظ على إنى أبقى في الكلية، لكن في الأخر الحمد لله عملتها، وأنا كنت وعدت حمايا ونفذت الوعد، لكن بعد سنين، وأنا اتعملى لجنة لوحدى والمواد بتاعتى أنا اتلغت".
وتابع: "أنا قررت أخوض التجربة وأذاكر واجتهد، وعشت التجربة بكل حاجة فيها، وكان عندى مشروع التخرج، والشباب اللى معايا لما اتولدوا كان عندى 26 سنة، وأمى أكثر واحدة فرحت بنجاحى، وأمى زوج خالتها إسماعيل يسو، ووالدى طلب ايدها منه، ورفض قاله انت لسه مش جاهز دلوقتى، أمى حضرت الفن الحديث كله وعبد الحليم كان عندهم في البيت وتعايشت مع الوسط الفني من أحلى نافذة وقولتلها هعمل مسلسل وأسميه قصة حياة أمى".