قال الشيخ رمضان عبدالمعز، الداعية الإسلامي، إن القرآن الكريم حسم مسألة الحجاب، وأكد أنه فرض، فالعفة القرآن الكريم أمر بها حتى على القواعد من النساء، مستشهدا بقول الله تعالى: "وَالْقَوَاعِدُ مِنَ النِّسَاءِ اللَّاتِي لا يَرْجُونَ نِكَاحاً فَلَيْسَ عَلَيْهِنَّ جُنَاحٌ أَنْ يَضَعْنَ ثِيَابَهُنَّ غَيْرَ مُتَبَرِّجَاتٍ بِزِينَةٍ وَأَنْ يَسْتَعْفِفْنَ خَيْرٌ لَهُنَّ وَاللَّهُ سَمِيعٌ عَلِيمٌ".
وتابع عبدالمعز، خلال حلقة برنامج "لعلهم يفقهون"، المذاع على فضائية "dmc"، اليوم الإثنين: "القواعد من النساء اللى هى الستات خلاص اللى لا هترغب فى الزواج، وسنها كبير، تلاقيها قاعدة بتلف الطرحة، ففى رقبتها باينه فالقرآن يقولك دى لا حرج ولا إثم عليها، أيها النساء المحترمات ربنا سميع عليم باللى بتهاجم الطرحة، ليه تشيلى أوزار الناس ليه، انتى مش عاوزه عفة، ومش عاوزه تلبسي الحجاب، ده أمر يخصك مع ربنا، إنما تقولى للناس لا متلبسيش الحجاب، ليه تحملى أوزارك وأوزار الناس، ليه تحملى أثقالك وأثقال الناس وتحاسبى على أمور مش بتاعتك".
وفى وقت سابق، قال الشيخ رمضان عبد المعز، الداعية الإسلامي، إن المحن والفقر والوباء اختبار للتضرع لله، مضيفا: "ادعو ربكم تضرعا وخفية، سيب الأمور تمشي والأقدار إحنا راضيين بيها، هو قيام الليل خلص؟ ادعى ربنا وقول اللي نفسك فيه".