علقت الإعلامية شريهان أبو الحسن على المشكلة التى تواجه البحار والتى يصعب تحللها فى المياه ومنها الأكياس والزجاج البلاستيك، قائلة :" الكيس أو الزجاجة البلاستيك يحتاجوا من 300 إلى 400 سنة عشان يتحللوا".
وأضافت خلال برنامجها راجل و2 ستات المذاع على قناة on، بالمشاركة فى التقديم الفنانة هيدى كرم:" شواطئ البحر الأحمر والغردقة وشرم الشيخ مفيش حد هناك بيبيع أى حاجة فى البلاستيك وبيستخدموا الأوراق.. وشفاطات بكارتون".
وتابعت : "الناس لما بتدخل السوبر ماركت بتشترى الطلبات وتلاقى كل حاجة فى كيس تروح البيت تلاقى من 30 لـ40 كيس بلاستيك، وبنحب يخزن الأكياس فى المطبخ"، مضيفة أن استخدام الأكياس البلاستيك خطر على صحة الإنسان وكذلك الكوكب".
وأوضحت : "العالم يتجه إلى الحاجات ملفوفة فى ورق والناشف اللى بيلفوا بيه اللحمة، ودى مش بتسبب خطر على الصحة ولا الكوكب لمكافحة التغيرات المناخية".
وقالت الفنانة هيدى كرم : " والدتى من زمان لما بتروح تشترى الطلبات معاها شنطة معموله من إعادة تدوير القماش وقوية ومتينة احسن من شنط الأكياس".