كشف الفنان عصام عمر كواليس مشاركته في مسلسل "بالطو" الذي يعرض حاليا على منصة "watch it" الإلكترونية، مشيرًا أنه اعتمد على الكوميديا في العمل خلال تنقل عاطف من القاهرة للعمل في وحدة طبية في إحدى القرى.
وقال عصام عمر خلال لقائه بتليفزيون انفراد إنه كان خائف في البداية من دور البطولة لأنه مع عدد من الفنانين الكبار، موضحا: "الجمهور بيتفرج عشان النجوم دي، لو لقوك كويس تمام، ولكن في فكرة بالطو انت الشخصية الرئيسية فيه مش فكرة بطل لأن البطل بيحتاج وقت وانجازات أكبر، فكنت قلقان إني أتحط شخصية رئيسية والناس تشوفني طول الحلقات".
وتابع: "والشق التاني إن دا أول إخراج لصديقي عمر المهندس، وكنت خايف إن أول عمل ليه، واقترحت عليه حد أهم من في الممثل عشام ميأثرش على المسلسل"، مشيرا أن الترشيح الأول له كان من المخرج عمر المهندس، ثم قوبل بترحيب من منصة واتش ات والشركة المنتجة.
كما ذكر أنه سعيدا بردود أفعال الجمهور علي دوره في العمل، قائلا: "فيه فنانين كتير أشطر مني، وعندها موهبة، وأنا سعيد برد فعل الناس، وفيه حاجات كتيرة اتفقنا عليها في الأول في الاسكربت، وبعدين فيه حاجات تانية بتطلع على الهوا ارتجالية وقت التصوير، بس كلنا كنا على نفس الصفحة".
وعن شخصية "عاطف" التي جسدها خلال أحداث العمل، أشار: "أنا بشبه عاطف في اللامبالاه، الحاجة اللي بتضايقني مش بديها اهتمام"، وأوضح أنه في بداياته قام بتأدية مشهد أو عدد قليل من المشاهد في بعض الأعمال، ثم اتجه إلى الإعلانات، وقام بأداء عدد منها، قبل سفره إلى أمريكا.
وأشار خلال الحوار أنه عاد مرة أخرى إلى مصر لأنه يحب أن ينجح بها أولا ويحقق أحلامه في التمثيل قبل أن يتجه خارجها، موضحا: "عودتي من أمريكا مش سهل قرار إنك تبقى عايش كويس جدا، وتقرر ترجع وتحاول تاني في اللي انت عايزه، عشان عايزة أمثل مش فكرة أعيش كويس، وفكرت أمثل هناك مع صحابي كانوا عاملين مسرح، ولكني بحب الناس هنا وأنا شبهمهم، فمش حابب أبقى نجم عالمي قبل ما أبقى نجم في مصر".